Ýeňiljek salat. Agşamlyk naharlar bilen örgän gowy bolýar.
Içindäkiler — Badamjanly salat taýynlamak üçin gerekli azyk harytlary
- 2-3 sany badamjan
- 1-2 sany uly pomidor
- 2-3 sany kartoşka
- islege görä ukrop-petruşka
- duz we burç
- ýag
Taýynlanyşy / bişirilişi
- Badamjanlaryň gabygyny aýyryp, hersini 4 bölege bölüp, duzly suwuň içine 15-20 minut ýaly ajysy gitýänçä goýmaly.
- Ol bolýança pomidory kiçijik-kiçijik bölejiklere bölmeli.Kartoşgany hem gabygyny aýyryp kiçijek-kiçijek bölejiklere bölmeli. Soňra badamjany suwdan çykaryp daşyny ýuwup ony hem kiçijek-kiçijek bölejiklere bölmeli.
- Gazyň aşagyny orta otda ýakmaly, bişirjek sajymyzy alyp ýagymyzy guýmaly. Ýag gyzýança garaşmaly. Badamjany, kartoşgany we pomidory hersini aýra-aýra edip bişirmeli.
- Baryny bir gaba alyp islege görä duz, burç atmaly.Onuň üstüne ukrop-petruşka dogramaly we garmaly.
- Işdäňiz açyk bolsun!
-
Bu resepti etdiňizmi? Suradyny iberiň.